לײען

טיי און שניי

רייזל איז אין שטוב. לייזער קומט צו גאַסט.

לייזער:
גוט־מאָרגן, רייזל!
רייזל:
גוט־מאָרגן, גוט־יאָר, לייזער און …
לייזער:
דריידל. דאָס איז מײַן הינטל דריידל.
רייזל:
נו, קומט אַרײַן, לייזער און דריידל.
לייזער:
אַ דאַנק, רייזל.
רייזל:
לייזער, טו אויס דײַן מאַנטל.
לייזער:
גוט, איך וועל אויסטאָן מײַן מאַנטל, אָבער איך טו נישט אויס דאָס היטל און די שאַל. ס׳איז קאַלט דאָ אין שטוב.
רייזל:
מילא, אין דרויסן איז קאַלט און אינעווייניק איז אויך קאַלט. עס גייט אַ שניי. ווילסט טרינקען טיי?
לייזער:
יאָ, איך וויל טרינקען —... אוי, דריידל! דריידל! לויף נישט אַרויס! דריידל, קום צוריק!
רייזל:
וואָס איז? וווּ איז דריידל?
לייזער:
דריידל איז אין דרויסן. טו אָן דײַן מאַנטל! מיר דאַרפֿן אויך אַרויסלויפֿן!

רייזל און לייזער טוען אָן די מאַנטלען און לויפֿן אַרויס.

לייזער:
דריידל, וווּ ביסטו…?
רייזל:
אָט איז ער! גיב אַ קוק! ער שפּרינגט אַרײַן אין שניי און לויפֿט צוריק אַרויס. ער איז קאָמיש.
לייזער:
ווילסט אויך אַרײַנשפּרינגען אין שניי?
רייזל:
נײן, איך וויל וואַרפֿן אַ שנייפּילקע. ביסט גרייט? אָט קומט זי…
לייזער:
דריידל, דריידל, וואָס טוסטו איצט?
רייזל:
ער לויפֿט… ער וויל כאַפּן די שנייפּילקע!
לייזער:
די שנייפּילקע? כאַפּן? אײַ, דריידל, דו ביסט אַזוי קאָמיש!
רייזל:
איך וואַרף נאָך אַ שנייפּילקע… איצט!
לייזער:
רייזל, דײַן שנייפּילקע פֿליט אַרײַן אין שטוב…
רייזל:
אין שטוב?! נו, מילא. לאָמיר אַלע אַרײַנגיין. לאָמיר טרינקען טיי און עסן קיכעלעך...יאָ, דריידל, דו וועסט אויך עסן קיכעלעך... הינטל־קיכעלעך!
1
ווער קומט צו גאַסט?
  1. א
    צוויי ייִנגלעך
  2. ב
    אַ מיידל
  3. ג
    אַ ייִנגל מיט אַ הינטל
  4. ד
    אַ מיידל מיט אַ הינטל
2
אין דרויסן...
  1. א
    שײַנט די זון.
  2. ב
    בלאָזט אַ ווינט.
  3. ג
    גייט אַ רעגן.
  4. ד
    גייט אַ שניי.
3
...לייזער האָט
  1. א
    אַ מאַנטל, אַ היטל און אַ שירעם.
  2. ב
    אַ מאַנטל, אַ היטל און אַ שאַל.
  3. ג
    אַ מאַנטל, אַ שאַל און אַ שירעם.
  4. ד
    אַ היטל, אַ שאַל און אַ שירעם.
4
אין שטוב איז...
  1. א
    קאַלט
  2. ב
    הייס
  3. ג
    ריין
  4. ד
    שמוציק
5
וואָס טוט דריידל?
  1. א
    ער קומט אַרײַן.
  2. ב
    ער קומט צוריק.
  3. ג
    ער לויפֿט אַרויס.
  4. ד
    ער לויפֿט אַרײַן.
6
לייזער און רייזל לויפֿן אַרויס...
  1. א
    אין שטוב.
  2. ב
    אין פּאַרק.
  3. ג
    אינעווייניק.
  4. ד
    אין דרויסן.
7
________ שפּרינגען נישט אַרײַן אין שניי.
  1. א
    לייזער און רייזל
  2. ב
    לייזער און דריידל
  3. ג
    רייזל
  4. ד
    לייזער
8
דריידל וויל...
  1. א
    אַרײַנלויפֿן אין שטוב.
  2. ב
    כאַפּן אַ שנייפּילקע.
  3. ג
    וואַרפֿן אַ שנייפּילקע.
  4. ד
    טרינקען טיי.
9
רייזל ...
  1. א
    איז איצט נישט גרייט.
  2. ב
    .איז קאָמיש
  3. ג
    פֿליט אַרײַן אין שטוב.
  4. ד
    וואַרפֿט אַ שנייפּילקע אַרײַן אין שטוב.
10
דריידל וועט עסן ...
  1. א
    שניי.
  2. ב
    קיכעלעך.
  3. ג
    אַ שניטקע.
  4. ד
    מערן.
הער און זאָג נאָך
קולטור
לײען
נאָך פּרטים
דו קענסט אויך!
שרײַב
װערטער