לײען

הײַנט איז פֿרײַטיק. וואָס וועסטו טאָן שבת און זונטיק, לייזער?

שבת אין דער פֿרי וועל איך אַ סך שלאָפֿן. דערנאָך וועל איך עסן מיט מײַן משפּחה. דער פֿעטער פּיניע און די מומע העניע וועלן קומען צו גאַסט.

וואָס וועט איר עסן?

מיר וועלן עסן חלה, פֿיש, רײַז און מערן. און די מומע העניע וועט ברענגען אַ קאַרטאָפֿל־קוגל. איך האָב ליב קאַרטאָפֿל־קוגל!

איך האָב נישט ליב קיין קאַרטאָפֿל־קוגל, אָבער אַ לאָקשן־קוגל האָב איך יאָ ליב.

וועסטו עסן אַ לאָקשן־קוגל שבת?

יאָ, שבת נאָך מיטאָג וועט מײַן חבֿרטע שיינע קומען צו גאַסט מיט אַ לאָקשן־קוגל. זייער געשמאַק!

גוט! שבת וועסטו עסן קוגל און איך וועל אויך עסן קוגל. און זונטיק?

זונטיק אין דער פֿרי וועל איך שפּילן אין טעניס מיט מײַן שוועסטערקינד בלומע.

זונטיק אין דער פֿרי וועל איך אויך מאַכן ספּאָרט. איך וועל גיין קלעטערן. דער פֿעטער פּיניע און די מומע העניע וועלן אויך קומען. זיי וועלן נישט קלעטערן, אָבער זיי האָבן ליב צו קוקן ווען איך קלעטער.

אויסגעצייכנט! און וואָס וועסטו טאָן זונטיק נאָך מיטאָג?

היימאַרבעט! איך דאַרף לייענען אַ בוך וועגן ראָבאָטן.

איך מיט מײַן שוועסטערקינד בלומע דאַרפֿן אויך טאָן די היימאַרבעטן זונטיק נאָך מיטאָג. לאָמיר טאָן די היימאַרבעט צוזאַמען!

יאָ, לאָמיר! הער… מענטשן קומען… דער פֿעטער פּיניע און די מומע העניע! ברוכים־הבאָים!